豉椒排骨飯

下午幾個鐘空檔，洗淨手上的水泥，行去石湖墟醫肚。預科時除咗教堂側邊間榮發，另外就到特適茶餐廳開餐，點了最愛的豉椒排骨飯。

近廿五年，格局無變，仲係未執笠。老闆娘仲喺度，當然佢唔認得我。間舖係陣臭味，排骨又老又韌，但仍然保存風味。

有時候，做人都係為自己交代，你明知啲嘢難食，口味似監躉飯，只求回味那種情懷。迷茫時，唔知點做，入去坐一坐，有種安定感覺。

行過啲想吸貓，仲有上水名物「珍珠」，永遠鍾意擘髀露蛋蛋。走遠少少仲有「屎忽東」，都係好乖豬，經常有人主動按摩。